周日(10日)沙田馬場除了四場國際賽，部份本地賽亦極具瞄頭，如蔡約翰馬房五戰不敗明星馬「當家精選」，將角逐第三場一班1400米，亦是牠初跑一班賽，肯定受關注。
「當家精選」馬主幸運角團體經理人黃蔡秀文說：「上星期我們有入馬房探望『當家精選』，牠很開心、好健康，今次是牠第一次與第一班馬跑，我們都好緊張，唔知牠是否具備足夠級數挑戰對手。我丈夫對我說，『當家精選』的1400米本身最佳時間，是今組曾勝此路程的馬中最慢，所以我都唔知道牠的贏面如何。我們當然希望『當家精選』六連捷，不過不大可能有馬可長勝不敗，牠必定有落敗的一日，最緊要牠健健康康，盡力去跑好一場賽事。」
不過，黃蔡秀文不用太擔心，因為「當家精選」每次都彈甩對手臨尾收韁，其實絕對可跑得更快，根本潛力未盡，相反今場對手多是已用得八八九九，勢成稍後經典一哩賽主角的「當家精選」，今場毫無疑問仍是上風馬。