韓國長壽6人男團神話的成員Minwoo及申彗星（Hyesung）前晚襲港，昨日輪流在亞博館舉行粉絲見面會，下午先由Minwoo打頭陣，申彗星亦有現身撐對方，不過今次見面會欠缺宣傳，令到入座率不足三成，場面十分冷清。
雖然銷情慘淡，但無損Minwoo落力表演，Minwoo表示對上一次來港已是2013年與隊友來開騷。Minwoo直言愛看香港電影，特別喜歡《英雄本色》，又自爆曾咬牙籤扮周潤發。同時Minwoo大讚香港夜景很靚，但賣口乖表示現場粉絲靚過夜景。
申彗星出場時與Minwoo玩打保齡球，最終Minwoo勝出，申彗星被罰跳性感舞蹈，但卻顯得非常怕醜。
採訪：文凱靈
攝影：仇志德