𠵱家講開埃及，好多人都識穆罕默德沙拿，埃及都係靠佢踢到入世界盃。不過大家又記唔記得十幾年前，佢哋都有過國家希望，就係「埃及王子」美度（右）喇！呢個想當年嘅天才，曾經喺阿積士同伊巴謙莫域爭執，淨係呢點都知佢猛料啦。而佢同伊巴謙踢法亦都有唔少相似地方，美度之後去過熱刺同韋斯咸踢咗陣英超，到2013年喺班士利掛靴。當年佢跑起嚟把長髮飄飄吓（小圖），迷倒唔少女球迷㗎，點知事隔四年，34歲嘅佢已經變咗一個大肥佬，個肚腩仲……直情同朗拿度、阿祖安奴有得揮，甚至慘到俾人話，成個look似足哥倫比亞毒梟Pablo Escobar。所以話，男人都要Keep㗎。