喺1880年成立嘅曼城，係英國曼徹斯特市兩大球會之一。喺1894年後，即係123年前，先改名叫曼城。
雖然至今超過120年歷史，但佢哋第一個會徽要到1970年先至面世，而且只係用咗兩年，就作出咗輕微嘅改變。家陣曼城嘅會徽睇落同球隊第一，同埋第二個會徽好接近。甚至可以話而家嘅會徽，係頭兩個嘅混合版，而佢地嘅會徽一直以嚟，都係以天藍色作為主色。
有一樣嘢係喺咁多代會徽都有嘅，就係一隻船。當中嘅理由同曼聯會徽一樣，因為18世紀嘅曼徹斯特，係一個以貿易生意為主嘅城市。喺曼城嘅會徽上面，亦會見到三條對角斜線，所代表嘅就係曼徹斯特嘅三條河「THE IRWELL」、「THE IR」同埋「THE MEDLOCK」。
會徽上另外一個元素，就係底部嘅紅色花。因為呢朵花正正就係代表曼市所在嘅蘭開夏郡。而曼城喺1997至2016年間，會徽有一隻鷹喺上面，代表當地航空事業發展迅速。不過無啦啦多隻鷹，一直被藍月亮球迷批評，喺15年底球會終於聽民意，打算作出改變，16年正式用呢個新會徽。