C朗又再一次冧莊做金球獎得主，令到近十年嘅金球獎，都係由佢同美斯玩晒。如果有叮噹個「如果電話亭」，整個冇佢兩個嘅世界，又會變成點呢？
由2008年去到2017年，十個金球獎，C朗同美斯一人分咗五個，排佢兩個後面嘅，有托利斯、沙維、基沙文、同埋尼馬等等，但係全部得個睇。如果好似DC咁有平行時空嘅話，喺第二個嗰邊佢地可能已經攞晒金球獎喇。唔只咁，其他球員仲有機會競逐下各項榮譽，好似歐洲足球先生，歐洲金靴獎嗰啲。
不過又咁講吖，如果真係冇咗兩大球王，球迷都少咗好多眼福。阿根廷可能連世盃決賽周都入唔到，葡萄牙亦都未必可以歷史性贏到歐國盃。
所以話如果，都係FF下架姐，好喇FF完，而家一人五個，打和啦SUPER！