新世界發展執行副主席兼總經理鄭志剛創辦非牟利機構Culture For Tomorrow，噚日起於香港文化中心露天廣場舉辦跨界文化活動「沐熱乘涼」，展出以芬蘭桑拿和香港涼亭為題的大型設計，同時推出桑拿體驗、設計展覽及文化講座等活動，展期將於12月13日結束。展區中嘅公共桑拿「Sauna Kolo」由芬蘭設計師Ville Hara、Anu Puustinen及Hiorko Mori設計，而香港涼亭「leong4 ting2」則由本地設計師蕭國健設計，而今次展出嘅芬蘭桑拿，喺展期結束後會繼續去其他地方巡迴展出。
鄭志剛話Culture For Tomorrow嘅跨界文化項目計劃會長期進行，有機會於沙灘、公園、天台，甚至整個離島進行，務求將建築與公共空間融合，但就冇講新世界發展喺項目上嘅角色及投資額。