波爾多可謂近期法甲較反覆球隊，既可大勝聖伊天，卻又不敵迪安，周五聯賽主場對斯特拉斯堡，以客軍上仗能爆冷擊敗聖日耳門，信心大增，受讓半/一必博下盤。（球賽編號：星期五25；無綫 myTV Super 303台明日3:45am直播）
波爾多前仗大炒聖伊天，終止七場不勝走勢，但上仗面對中下游的迪安，卻以2:3落敗，與開季七場不敗走勢差天共地。陣容上，巴西前線孖寶馬爾甘菲臘比及莊拿芬卡富尚勇，兩人上仗包辦球隊兩個入球，但仍有加坦拿保迪、羅斯祖克等傷兵，波軍近10場聯賽只有一場保清白身，今仗讓得太多，並不值博。
斯特拉斯堡上仗創出了今季法甲最大冷門，主場2:1擊敗榜首巴黎聖日耳門，令對手嘗到今季首敗。以法乙冠軍身份升班的斯軍，擊敗PSG卻不是虛火，近九場聯賽只曾一敗，就算攻力平平，16場聯賽只入19球，令球隊贏波場數僅較梅斯及昂熱佳，但防守力尚屬中上，雖然客軍仍有安東尼干卡維斯、科基亞等傷兵，憑上仗擊敗PSG氣勢，有力在波軍身上搶分。
文：牽牛