【綜合西班牙外電】周三歐聯H組賽事，雖然皇家馬德里賽前經已確定次名出線資格，但仍於主場3:2擊敗多蒙特。其中葡萄牙前鋒基斯坦奴朗拿度（C朗）更破紀錄，成為史上首位六場分組賽均有入球的球員。
本場比賽，C朗於12分鐘為皇馬攻入第二球，六場分組賽皆有建功之餘，亦以九球成為今屆歐聯分組賽神射手。但破紀錄似乎未能滿足C朗，比賽中不斷想再添進賬，多番頭頂腳踢卻無功而還，顯然不滿，又向球證激烈投訴，甚至多番怒吼，相當火滾。不過，賽後C朗表示球隊贏波出線仍是最重要，亦希望皇馬成功歐聯三連霸。
但「銀河艦隊」眼下面對嚴峻中堅荒問題，今場中堅華拉尼半場未踢完已退下火線，新秀捷西斯華利祖在比賽前因傷落選大軍名單，連帶沙治奧拉莫斯停賽，周六對西維爾的西甲，皇馬隨時只有拿祖費南迪斯一名中堅候命。難怪早前傳出皇馬對在車路士失寵的巴西中堅大衛雷斯產生興趣。
另外G組賽事，波圖於主場5:2大勝法甲冠軍摩納哥，力壓同日於主場不敵比錫達斯的RB萊比錫，取得次名出線資格。