韓國男團GOT7的香港成員Jackson（王嘉爾），今年撇甩隊友以solo歌手身份出道，更在內地成立工作室，在大中華區大展拳腳。Jackson趁回港舉行個人粉絲見面會之際，日前接受本報專訪，大談對於創作音樂的想法，並表示希望明年可以多點回港：「有機會一定返，我都想，橫掂都係喺呢度大，想（喺香港）多啲活動。」他更有別於一般韓流偶像，大方談論戀愛觀，揚言將來拍拖或結婚都會公開。Jackson在新歌《OKAY》MV內有不少騷肌場面，他自爆原本有更多騷肌鏡頭，不過嫌太多，最後重新剪輯。而經常食外賣的Jackson表示沒有刻意keep fit，平時根本忙到沒時間做運動，反而覺得排毒更重要。
搵Bob合作
Jackson視作品為「自己的仔女」，所以堅持一定要包辦整個製作過程，他亦不抗拒與其他歌手合作，最想就是跟美國歌手Omarion合作。同時他又承諾未來一定會推出廣東歌，坦言創作廣東歌十分困難，但不會阻止他的決心。Jackson希望五年內可以舉行solo演唱會，最想邀請林盛斌（Bob）擔任港騷嘉賓：「我希望以後唔單止係演唱會上，亦希望（平時）同阿Bob接觸，有互動。呢件事冇人知，只係得我爸爸知，我好細個時打過上電台，話我想做明星，當時就係佢（嘅節目），想同佢講番呢件事。」
跟父母感情要好的Jackson，在感情事上就十分有主見，揀另一半時亦不會理國籍：「愛係冇分啲咩，冇分年紀、冇分國籍、冇分size，乜都冇分，啱就啱。」即使日後拍拖、結婚他亦承諾會向粉絲公開。提到演戲，Jackson表示亦都很有興趣，不過要等到準備好的時候，又指自己偏好武打、警察的角色。
採訪：梁展雯
攝影：沈健程
髮型：Kim Jeung Eun
化妝：Jun Jiwon
服飾提供： Paik Jihoon
場地提供：香港嘉里酒店