大嘥鬼除咗不時叫市民唔好浪費同嘥嘢，佢仲有一樣嘢叻，就係出抽水po，唔知係咪佢覺得自己太不務正業，所以佢噚日fb出po抽番自己水，話佢出咁多抽水po，無非想大家勿忘初衷，唔好嘥嘢、留意多啲佢介紹嘅綠色活動，學識揼少啲野慳多啲！仲加埋hashtag #揼少啲慳多啲、#DumpLessSaveMore、#做鬼唔忘本。
不過網民反而留意到個po貼嘅相，竟然係一隻大嘥鬼figure，於是冇人理大嘥鬼噏乜初衷，係咁問有冇得買呢隻figure，有網民仲話會放上神枱，好好珍惜，絕不浪費，不過大嘥鬼話figure係非賣品，仲梁朝偉上身咁留低一句「別太迷戀鬼好嗎？」八方見咁多網民想要大嘥鬼figure，環境局局長黃錦星真係諗諗有冇得搞喇！