44歲日本影后宮澤里惠前日開始關閉Instagram，估計係與佢同V6嘅38歲成員森田剛發展姊弟戀，被男友粉絲留下惡意留言有關。而佢最後一次留言喺於上月30日，佢話開Ig嘅原意係因為平日冇乜機會同影迷接觸，又感謝網民嘅鼓勵留言，同時話為讓大家感到不快而道歉。
宮澤里惠同森田剛相戀一年感情穩定，早前更有傳佢有意於本年底再婚嫁森田剛。喺上月26日，宮澤里惠被發現帶埋囡囡去撐男友舞台劇，左手無名指更戴住戒指，有指宮澤里惠咁高調激嬲一班森田剛粉絲，因而喺其Ig猛烈抨擊，宮澤里惠抵受唔住抨擊終於決定關閉Ig。