賣樓手法層出不窮，買2,000萬樓送2,000蚊海洋公園全年飛係咩玩法？！
長實投資董事郭子威噚日仲專程喺海洋公園餐廳內舉行記者會，首先update吓旗下荃灣海之戀同愛炫美今年沽逾2,100伙，套現金額逾247億元，淨番200間未賣，市值約50億元。
為清存貨又搞新意思，長實跟手宣佈，12月31日前買入愛炫美3房同4房單位，頭30同60名買家分別送3張同4張海洋公園全年入場證。不過計計數，每張只係價值2,000幾蚊，真係一個月管理費都唔夠畀。其實住戶將來住入荃灣，點解唔改送近啲嘅迪迪呢門票呢？
李華華