賭王何鴻燊三太陳婉珍昨晚和一對子女何超蓮、何猷啟出席澳洲珀斯一間酒店在中環舉行的開幕酒會，其他嘉賓還有丁子高、琦琦、王賢誌、李蘊及洪天明一家等。洪天明大仔洪大仁不停向鏡頭舉V，非常可愛，而細仔竟琋表現怕醜。
初期有壓力
以公司董事身份現身的超蓮，是負責整個酒店重建計劃的重要人物，她坦言最初做這個project都有壓力：「酒店係爹哋30幾年前買，本來係office，因為佢好鍾意所以買咗，呢個係我第一個project，用咗三年半時間去做。」
酒店於早前已在澳洲開幕，問超蓮可有被媽咪讚叻女？她笑說：「媽咪有一齊去澳洲剪綵，佢都好鍾意，達到佢要求，做到有度假感覺。」超蓮又指計劃開始時出現超支，都有被媽咪問原因，但她叫媽咪不要聽人講，一定要自己睇，幸完成計劃還比預期少花了數百萬元。
三太其後與超蓮再一齊受訪，還讚超蓮做得不錯。她開心表示：「做得幾好，都放心畀佢多啲project，畀佢80分，因為仲後生，好多嘢冇經驗。」超蓮聞媽咪稱讚即笑說：「唔鬧就係讚㗎喇，佢唔鍾意讚人，怕讚多咗會囂。」
揀女婿條件
笑問三太是否辣媽？在旁超蓮即答嘴：「身材火辣個辣？」三太說：「佢細個係最曳嗰個，𠵱家大個，個個乖。」問她可感超蓮太多緋聞？三太不認為，還說男女朋友好普通。至於超蓮選男朋友是否夠眼光？三太笑指：「將來佢會自己諗，係佢老公，我第一個條件同最尾一個，都係要鍾意我個女。」
採訪：羅慧敏
攝影：陳慧安
