國際騎師錦標賽今年有多位新面孔，再加上莫雅及布文等，可謂星光熠熠。經過抽籤後，法國代表布達德的座騎較惡，另外英國代表莫雅也有邊線機會。
另外，筆者這天(5日)參加騎師賽記者會，多位騎師應邀學講廣東話，你估邊個講得最正，原來係唔識英文的巴西好手韓偉傑，以及日本的戶崎圭太。
第六場三班1000米非騎師賽，評分區域60-85分，唯一凸1分的「紅星」退出，變回正常三班賽。「運財童子」同程三次未甩過三甲，上仗後上直逼頭馬「積極皇」，今次排檔形勢較「積極皇」理想，蔡約翰賽前有試大閘的馬匹，需高度留意。「積極皇」始終兩次谷草同程全勝，相隔休息期足夠，望三連勝。「威風霸皇」上次餘勢甚好，仍要防。
最尾第九場二班1800米亦非騎師賽，「達羅素」如用上季尾及上仗沙田賽績搬過來谷草二班賽，實力超卓過人，上次加眼罩順利取勝，本身谷草1800米3戰1冠2亞成績，預計同場有足夠步速，「達羅素」最好跑。
對手方面，「英明神駒」上次與「達羅素」同場，結果末段跑出22秒33快時間得第五，今次返回谷草贏馬路首本路程，負磅又輕，巴度又夾此駒，望入一席。初在港上陣的「金龍神駒」曾於杜拜轉播賽見過，賽前專程試課谷閘走勢貫注，有備而來。「萬馬飛騰」落班，上季同程跑出超快時間，配冷殺手何澤堯要防。