正所謂「保護環境，人人有責」！立法會秘書處近年積極推行環保、要求議員減少用紙，立法會行管會年報透露喺16至17年度，立法會綜合大樓嘅用電量減少0.8%，而收集作循環再造嘅廢紙量亦較去年增加12.5%，成績同林鄭自稱嘅保育成就一樣，可謂「有目共睹」，連由環境局都向立法會頒發「至出力減廢先鋒大獎──良好級別」，表揚秘書處積極推行減廢宣傳㖭！可惜廢人冇減少！
除咗減廢有成效，報告仲提到今年度行管會通過多項新政策，包括開放網媒進入立法會，同埋將議員個人利益登記系統以及議員參與立法會事務紀錄系統，即係出席率放上網頁，方便公眾查閱，令立法會「懶蟲」無所遁形。