薛凱琪（Fiona）與張文慈（Pinky）等昨日於尖沙嘴出席餐廳開幕活動，有傳Fiona約滿太陽娛樂後會轉投麥浚龍（Juno）旗下，Fiona避談事件說：「其實我覺得自己好幸運，𠵱家同舊老細喺電影同歌曲都好支持我，我未有計劃去向。之前同Juno拍《結》，我對工作狂嘅人好佩服，佢真係最勤力做嘢嘅人，係好老闆。佢做任何一個藝人嘅老闆都會好好。」追問她有否跟Juno傾合作？Fiona說：「難得有咁靚嘅風景，唔應該用我嘅去向搶人風頭。」
麥明詩早前自揭遭性侵，17歲時曾遭不幸的Pinky指不開心的事已經過去，她想法正面說：「我知道呂小姐（欄后呂麗瑤）嗰件事，但係冇深入去睇。我覺得真係要搵信任嘅人講畀佢哋聽，唔係會有更多受害者。」
採訪：羅慧敏
攝影：林賓尼