內地女星范冰冰一向好注重皮膚保養，原來佢個細佬范丞丞一樣好高顏值，最近有內地報道指，范丞丞去完韓國做練習生，已靜靜返內地，準備參加偶像選秀節目，睇范丞丞個樣似足「偽泡菜」，行韓流look，雖然戴上口罩，不過隔住個罩，露出單眼皮細眼，魅力十足，幾有星味。
有報道稱范丞丞身高約190公分，絕對係模特兒底子，有內地網民竟然話范丞丞「蠻像朴寶劍」，亦有網民拎番范丞丞以前啲舊相出嚟比對，發現「落差蠻大的」。唔通仔大十八變。
范丞丞同家姐范冰冰雖然相差19歲，范丞丞係2000年出世，不過姊弟感情幾好，家姐范冰冰應該都會鼓勵細佬喺娛圈中發展。