何超蓮心目中，陳婉珍是嚴母，賭王父親就是有求必應的黃大仙，她分享小時候母親會用藤條體罰、罰舉書包：「阿媽好有氣場，比較嚴肅，我細個鍾意玩，最叻講大話，想食粒糖都會講大話，同細佬行孖beat，一齊做衰嘢。」之後，超蓮補充母親注重品德培養：「成績佢又唔係最緊要，最犀利係睇人嘅品格。」
當然，賭王是超蓮的人生偶像：「當爹哋係偶像，細個冇咁會，𠵱家越嚟越會。我見到佢生活化一面，佢好錫屋企人，去到對夥計，又好嚴，好叻一個老闆，好想學到佢咁成功，咁成熟處理一樣嘢。」超蓮更爆曾逼父親一齊看劉德華以賭王為藍本的《賭城大亨之新哥傳奇》，賭王自言比華仔英俊得多，她說：「我就答『你冇嘢呀，點會呀？』到𠵱家睇番我都覺得係，佢後生真係好靚仔，爹哋靚仔過劉德華。」
