為配合養草迎接國際賽，今期(3日)本地賽一如以往泥地居多，合共七泥三草。今季羅富全泥地成績相當突出，取得6場頭馬，上名率高達5成，今次派出多匹實力馬出賽，例如「有得勁」、「威勢之寶」剛於泥地取勝，今次需高度注視此馬房。
第四場五班1800米泥地，先選擇羅富全馬房的「喜之星」，季內草地1600米打開勝門，已顯示五班超些少，上仗轉跑泥地1650米，鞍上人史卓豐未能發揮應有水準，最後500米生位變死位，揀入內檔取位，結果塞車跑第四，今次上1800米，Keeper子嗣應無問題，狀態仍於高峰，但求補中。
最尾第十場三班1400米，多匹參戰馬初跑此程，屬於亂局場合，較為穩定的是「常拼常勝」，此駒出道以來跑過17次，只得一次不入無獎金，忠心準繩。上仗「常拼常勝」初上三班排大外檔，被迫留後競跑，末段大外?後上得第五完全收貨。今次7檔理想，可用回贏馬跑法居中二疊競跑，負117輕磅可坐位望贏。
「常拼常勝」對手方面，「醉多福」自購馬適應算快而有成績，上次1200米衝刺強勁得第二，今次決定增程，同父馬是「四季旺」，一定無問題。「快利」超磅都要配柏寶，排利好3檔，或許人馬就此擦出新火花。「睡眠大學」二班已留意走勢，今次落班要防。「愛馬劍」上仗後加強功夫，外地贏1500米，1檔要留意。