英乙嘅維爾港後衞阿當耶迪斯（圖）踢場預備隊波搞到重創！耶迪斯禮拜二代表維爾港預備隊，同摩甘比踢比賽。期間佢同自己個龍門為咗拎波「炒車」撞埋一齊，令佢除咗鼻、顴骨同埋眼窩受傷，上顎同手腕都骨折。留院一晚嘅耶迪斯已經喺禮拜三出院，但之後要進一步觀察，睇吓佢嘅視力會唔會受影響。其實佢上季已經因為傷咗十字韌帶而缺席成季比賽，今次再嚟大鑊嘢，真係唔好彩。