日本女歌手倉木麻衣出道18年，當年其處女單曲《Love, Day After Tomorrow》賣出逾140萬張，首張大碟《delicious way》更大賣350萬張，至今所有唱片累積銷量超過1,800萬，令佢曾經被外界拿來跟宇多田光相提並論，今時今日都獲廣大樂迷愛戴。
35歲嘅倉木麻衣先後為動畫《名偵探柯南》唱出21首歌曲，創下健力士世界紀錄大全，為佢相隔12年再登《紅白歌唱大賽》。日前倉木麻衣亦亮相4小時特備音樂節目《Best Artist 2017》，甚少上節目嘅佢呢次現身，獲唔少觀眾大嘆多年來冇變過，仲大讚倉木麻衣越變越靚，仲一啲都冇老過，比起佢兒時嘅單眼皮，今時今日已變大眼妹。