今星期六（12月2日），就係練馬師鄭俊偉嘅56歲牛一，再睇周日（12月3日）排位表，呢位養馬數只得44匹嘅練馬師，今期日賽出馬量相當驚人，竟然一共喺九場賽事中，出擊12匹賽駒，為全港之冠，不禁令人覺得米高鄭會喺今次七泥三草場次連場數糊，以贏馬為自己慶壽。
今早（30日）排位晨課朝，米高鄭當然充滿動靜，唔單止喺機坪同烽火台兩邊走，仲同自己剛贏馬嘅好戰友杜利萊，邊行邊傾大計，須知佢哋兩個今期一共合作四駒，當中不乏泥地實力份子，例如「家樂駿駒」、「大道至公」等，而杜記亦一早為「大道至公」親自考驗，值得留意呢個馬房。