御用奸角好溫柔戴志偉論盡 老婆責難

御用奸角好溫柔
戴志偉論盡 老婆責難

戴志偉曾是無綫「御用奸角」,早年轉投保險業發展,雖然在鏡頭前經常「奸到出汁」,但他其實是百分百「愛妻號」,日前下午5時許,《蘋果》在圓方發現他陪老婆去戲院買戲票後,再行去超級市場,其間戴志偉要去洗手間,老婆便先入超市逛。

【圓方】【等到呆】
戴志偉在超市等老婆,等到發呆一樣。

【大頭蝦】
戴志偉發現遺失東西,被太太指論盡。

【冇興趣】
老婆主攻蔬果,但戴志偉似乎不感興趣。

「一時手忙腳亂」

戴太入超市後,主要選生果和蔬菜,15分鐘後戴志偉會合太太,見太太仍然左揀右揀,他便看肉類及海鮮,但見太太似乎沒有購買意欲,便企定定齋等。之後戴志偉忽然搵東西,未知是遺失停車場入車票,還是八達通,站在身邊的太太就無奈說:「乜你咁論盡㗎!」戴志偉亦無奈回應:「一時手忙腳亂啫!」然後二人便齊齊到商場的禮賓處尋求幫助。《蘋果》事後聯絡戴志偉,問他當日遺失甚麼?他聞言即說:「唔講呢啲啦,忙緊!」然後匆匆收線。
採訪、攝影:徐錦池、羅德光

當年在《創世紀》演奸角的戴志偉(左),近年轉投保險業。資料圖片