【本報訊】警員涉乘女友人飲醉酒後帶她到時鐘酒店強姦，最終女方懷孕。起初他拒絕「認頭」，直到女方假裝已經報警後才招認及自認「人渣」。辯方昨盤問女事主X時，讀出兩人的WhatsApp紀錄，指兩人案發前一直打情罵俏，而X對被告有好感。訊息中被告調戲X稱「等緊你同我一齊」，X即指直覺感到被告亦在追求其他女生，被告要求X給他一次機會，X答好並稱「睇下你係咪花心蘿蔔」。
記者︰蘇曉欣
被告李偉嘉（30歲）否認去年6月19日強姦女子X（28歲）。辯方讀出兩人於6月18日的WhatsApp紀錄。被告稱感疲倦，X遂問：「有幾累？做賊嚟？」被告反問：「係，你又知嘅？」X即調笑問：「採花賊？」
地毯上小便 自己脫光衣服
之後X又問被告在做甚麼，被告答道「等緊你同我一齊」，X即反問：「同緊幾多個女仔咁講？」並指這是她的直覺。被告反駁「唔公平！畀個機會我證明你直覺係錯」，X答好並稱「睇下我直覺準唔準」。被告追問：「即係一齊？」X答：「睇下你係咪花心蘿蔔」，而被告表示「要一齊先可以證明」。
辯方指出「睇下我直覺準唔準」這句已是X答應與被告拍拖，但X否認。辯方另指根據X的手機紀錄，已沒有了「同我一齊」及「睇下我直覺準唔準」等訊息，質疑X將訊息刪除，X回應不知道。
辯方續指出案發當晚，其實是X不想回家，被告才稱「搵間酒店」，X更醉得甫入酒店便在地毯上小便，之後便脫光衣服上床睡覺。X全部均稱「唔記得」，但同意酒醒後被告亦曾向她稱她在地上小便一事，令她感到「好肉酸」。X說到此處又情緒激動，突於庭上責罵辯方大律師，「你問啲問題唔好咁白癡得唔得？」辯方再指，X與被告「講數」期間曾稱「呢單嘢你冇幾皮嘢都搞唔掂」，雖然假裝答應銷案，但又常威脅被告「你睇下聽日有冇差人嚟搵你」，質問X是否在玩弄被告。X否認，表示「我係發洩」。X盤問下亦承認曾小產，另因吸毒和飲酒令記性不太好。
案件編號：HCCC27/17