《愛情DQ掣》公開招募單身男女： http://bit.ly/2gTfvIV
《愛情DQ掣》今日截止喇！由於超過200位單身貴族參加，首輪面試已經喺日前舉行。你哋咪衰衰咁，以為單身就代表又毒又宅，有條件嘅單身男女大有人在！
成日話香港女多男少唔夠分，但係，嚟參加面試嘅單身男女比例又差唔多，男士都同樣心急想搵返個伴。參加者Steven啱啱3字頭，係業主又係車主，做IT行業，「大家都知IT呢行都係男人㗎啦！」所以希望嚟參加節目可以識到新朋友。另一位單身男士Gary係做地暖工程，仲話：「我屋企都有裝地暖，可以過溫暖聖誕！」參加者King亦係暖男，「我學琴㗎，有機會彈首歌送畀個女仔！」各位單身女士想mark實邊type筍盤？唔好錯過最後機會，快啲嚟報名啦！
至於參加女士，除咗外表吸引，內裡都好高質！唔少參加女士都表示識得煮返幾味，稱自己係吃貨嘅So So就話最拿手煮蝦仁炒蛋，「要將啲蛋炒到好滑，秘訣係炒完蝦，擺落蛋度浸一浸先再一齊炒！」另一位參加者Debby就鍾意煮越南菜，仲想親自下廚畀未來男友食，「我煮乜，佢食乜，就好幸福！」單身女YoYo仲有幸福絕招，就係會為另一半按摩，「佢做嘢好辛苦，收工返嚟我可以幫佢按吓！」唔係講笑，我哋嘅導演試過都話，「可唔可以按多陣？」各位單身男士，如果都想爭取呢啲幸福嘅，唔係唔報名吓話？
《愛情DQ掣》簡介
參加資格：參加者須年滿18歲及為單身人士
報名表格： http://bit.ly/2gTfvIV
報名方法：填妥參加表格、提交相片及自我介紹短片，以作配對用途，入圍者將有專人通知。
招募截止日期：2017年11月30日（星期四）
如有任何疑問，歡迎電郵 [email protected] 查詢。如有任何爭議，一概以蘋果日報有限公司之最終決定為準。
更多娛聞，喺晒《娛果》
http://fb.com/appledailyent