民政事務局前局長何志平日前涉貪於美國被捕，其太太胡慧中的契仔王友良昨晚在奧海城出席櫻桃小丸子聖誕音樂劇《來自星星的祝福》首演，被追問契媽近況時說：「我冇直接同契媽聯絡，都係家人同佢聯絡，作為契仔係絕對支持佢，因為佢係一個我非常之尊重嘅長輩。」胡慧中現時是否不在香港？王友良說：「呢個我唔太方便講，不過屋企人一路有同佢聯絡，我相信件事好快會解決，精神上會支持佢。」
經常相約食飯
王友良表示對上一次見到契爺何志平是年初二放煙花，由於自己平時會相約契媽和契妹食飯，所以已不記得最近一次是何時。問可有關心一下契妹時，他說：「有問候佢，契妹係一個好正面嘅女孩子，𠵱家讀緊中學，希望唔好影響小朋友讀書。」對於今次事件，王友良揚言擔心，並謂：「希望盡快冇事，呢啲涉及法律嘅嘢，自己都唔方便講太多，但契媽係一個幸運星，所以相信件事可以大步檻過。」
王友良指兩歲時契媽看着他長大，自己第一次去台灣，剛巧契媽在當地拍戲，也專程去機場接他與媽咪機，王友良說：「一個咁重情義嘅人，相信遇到嘅事一定會雨過天青。」
六嬸對友豪爽
據知胡慧中與上周三病逝的「六嬸」方逸華份屬好友，之前六嬸不時包機請胡慧中夫婦與甄珍等好友到內地遊山玩水，對朋友相當豪爽。六嬸喪禮今日下午於香港殯儀館舉行，明日舉殯，而無綫下月12日會於將軍澳邵氏影城為六嬸舉行追思會。
採訪：馬建華
攝影：葉君海