涉姦女機友致成孕警聞「有咗」講恭喜

涉姦女機友致成孕
警聞「有咗」講恭喜

【本報訊】警員涉乘女機友醉酒後帶她到時鐘酒店強姦,事後女方發現懷孕,惟警員多番否認強姦,至女方訛稱已報警,警員才承認曾與她性交並自稱「人渣」。控方昨讀出女事主X驗孕後與被告的WhatsApp紀錄,被告否認曾與X性交,X怒罵:「我有咗BB,頂!我呢兩個月淨係同你出過去過夜!」被告聞言卻回覆「恭喜」,惹X不滿地回應:「恭喜你條命!」
記者︰蘇曉欣

被告李偉嘉(30歲)否認於去年6月19日強姦女子X(28歲)。X供稱驗孕當日被告雖否認,但她心知被告是「經手人」,希望對方「認頭」,遂向被告訛稱已報警。被告聞言即不斷致電她,惟她想將兩人對話留下紀錄,遂叫被告「有咩喺WhatsApp講」。
庭上播放被告向X發出多個語音訊息,聲線明顯不耐煩,「咁你𠵱家想點先?其實我唔係好明你點解唔聽我電話?你情我願,班friend都知我哋係男女朋友」,又稱:「強姦同你情我願係兩回事,小姐,ok?」被告再指「交畀差人處理我真係未驚過,男女朋友發生呢啲嘢好正常」。

被告李偉嘉

墮胎及補身費「走數」

X回覆訊息否認與被告是情侶,「你覺得係錢嘅問題?第一次問你你唔認?仲要話我隨便?你做錯,仲要侮辱我?」被告即反駁:「我對你好差咩?邊個幫你搵袋?接你?如果唔係你俾人溶咗!」X反問:「咁你就可以搞我?」並再罵被告:「有咩同差人講!無恥到話我哋係男女朋友!」被告安慰X「唔好嬲,結婚生出嚟」,X即回覆:「你為咗掩飾罪行,推卸責任,你咁嘅人品,同你結婚?」
X續指,與被告WhatsApp後打算報警,但因腹痛未有外出。被告凌晨時分相約X在其寓所樓下見面,其間被告哭着認錯,自稱「人渣」,又指「阿媽得佢一個」,要照顧母親,求X不要報警,又稱會全資負責X的墮胎及補身費用,並會與X結婚。X一時心軟遂假意答應會銷案。
控方繼續讀出X假裝答應銷案後的WhatsApp紀錄,X不斷罵被告「好憎你!搞到好抑鬱!睇中醫調理唔平」,又稱「要買好多嘢!要你埋單!冇錢都要你埋!要你感受下無奈嘅感覺」。X庭上解釋,懷孕後經常腹痛,「晚晚要睇急症」,一感身體不適便想罵被告發洩。
X稱之後被告常不回訊息,亦沒轉賬3萬元墮胎手術及補身費用。直到7月11日,被告陪她看醫生卻因久等而大發脾氣,又稱會找律師告她勒索,她於是決定報警。被告得知後即跪在X家門認錯,又重複懇求X不要報警,最終X前往報案。
案件編號:HCCC27/17