鄭中基（Ronald）、方皓玟、Supper Moment前晚在灣仔會展為柯尼卡美能達綠色音樂會擔任表演嘉賓，台上鄭中基驚現雙下巴，似乎大了一個碼，Ronald後接受訪問時說：「因為準備拍戲，係要增磅，𠵱家增咗幾十磅，有飲奶粉，飲到個人好燥，生晒暗瘡，過完農曆年就開拍。」
Ronald為新戲準備，閒時幫手湊一對仔女，問會否生第三個，他說：「唔會，仔女大，𠵱家要陪仔女讀書，我教佢哋數學，背生字，默書，啲生字都幾難，對佢對我都覺得深，再深我都要進修。」
CK榮升爸爸
Supper Moment前晚三缺一，原來成員CK榮升爸爸，在醫院陪伴太太，SM說：「佢之前都話老婆呢幾日生得。佢只係話個BB好多頭髮咋。」被問到送甚麼禮物？SM說：「我哋會送合約畀佢個仔，簽咗佢先。會爭住做契爺！未去醫院探BB，但聽CK把聲係好興奮，佢當日公佈老婆有咗，佢個笑容從未見過，真係好開心。」
方皓玟擬遊日
方皓玟今年4月嫁日籍老公，12月聖誕節會返日本，問她會不會探老爺奶奶，她說：「都會見吓面，主要去旅行散心充電，因為過去一年都忙住工作。公司同事個個都請假去旅行，唔係剩低我一個唔去嘛？」至於會不會順便造人？她說：「暫時唔諗住，隨緣喇。」
採訪：王連連
攝影：陳慧安