前日係郭可盈48歲嘅生日，生日前一日佢就同家人慶祝，連剛宣佈懷孕成功嘅弟婦熊黛林(Lynn)都有出席，唯獨未見老公林文龍嘅蹤影。
登...登...登...櫈，重要嘅日子，當然係留俾最最最重要嘅人啦，噚晚文龍終於同可盈一齊食燭光晚餐慶祝。
可盈昨早在微博貼慶祝生日嘅相，但佢哋並就唔係二人世界，囡囡天若(津津)都有一齊慶祝，一家三口對住維港夜景食生日飯，認真開心。可盈仲留言話：「愛人、家人、朋友們、粉絲們，謝謝您們的愛！」仲附上三個錫錫貼圖，真係隔住個「芒」都感受到佢哋嘅愛，勁sweet呀！
可盈昨日接受《蘋果》電話訪問，講到生日願望，壽星女話：「多謝大家祝福，我嘅生日願望，希望屋企人個個都身體健康、平安，呢個世界一定要和平。」