禮拜三（29日）谷戰用A跑道，睇番上季同期去年11月30日谷草A欄賽事，內檔前置馬佔盡優勢，1至5檔勝出整晚其中六場。
當中「星際武士」（已退役）、「海翡翠」、「金碧光芒」及「開心有你」前置帶到，另外「幸運日」（已退役）守貼欄包廂位贏馬，具前速的中內檔馬匹遂可優先留意。
周三晚一眾列陣馬中，第二場四班1200米「皇家魅力」，上仗正是於谷草A欄賽事放頭跑第二，等番同一欄位再賽，有運抽得第1檔起步，練馬師蘇偉賢必求補中。
另外，第六場三班1200米的「駿明珍寶」兩次在谷草贏馬均於A跑道，今仗重返三班，蔡約翰即為其揀贏過的A欄1200米上陣，有力回復昔日好表現。