加拿大男歌手Shawn Mendes早前揚威歐洲EMA音樂頒獎禮，仲將於下月13日襲港開騷。近日，Shawn Mendes喺新西蘭亮相電台節目時，就被追問私人問題，自爆16歲自次發生性行為。
電台主持追問Shawn Mendes多條尖銳問題，如果佢拒絕回應，另一主持將被電擊乳頭。Shawn透露自己16歲自次發生性行為，又表示年紀最大嘅性伴侶係25歲，事發係於佢19歲時，而Shawn啱啱喺8月先滿19歲，換言之係喺呢幾個月內發生。不過Shawn都有唔少問題拒絕回應，包括對上一次咀過邊位名人、有幾多個性伴侶，同埋身家幾多等，令該主持被狂電。
其實Shawn喺本月初爆出同21歲模特兒Hailey Baldwin發展姊弟戀，但佢日前作否認，強調自己現時單身。