【本報訊】住貨櫃屋雖有風險，卻可能是「住唔到公屋、買唔起私樓」的年輕人恩物。從事地盤工作的90後古先生（化名）早前與女友到元朗訂購貨櫃屋，他早前租用了一幅元朗農地，再花約6萬元訂購了貨櫃屋，打算置於農地上。現與親友居於元朗唐樓的他指家中地方太細，亦沒有私人空間，希望置業或租屋獨自居住，「𠵱家啲寮屋都租成5、6,000蚊，村屋就仲貴，要7、8,000蚊，好難搵啲平盤」。
稱政府忽略單身者
他購買的貨櫃屋設有廁所及床架等基本設施，但不設廚房，預計約一個月已可完成安裝，「因為唔會成日喺嗰度住，當間中度吓假，間中會去種吓嘢」。
他指置業甚艱難，「如果買村屋，要成三成首期，700幾呎都賣成300萬，公屋又申請唔到，居屋又難中過六合彩，上次抽居屋，連梅窩都揀唔到」，故花數千元租用了元朗一幅約2,000方呎土地耕作，同時購買貨櫃屋作休息用。他承認有風險，或有機會被政府取締，「有乜嘢事就即刻吊走（貨櫃），其實有頭髮邊個想做癩痢，你估好想住呢啲地方咩，仲要趕盡殺絕」。
他批評在現時政府政策下，他一類白表單身人士是最被忽略的一群，「單身都係人，單身唔使住咩？政府叫啲公屋戶買居屋，咁住唔到公屋嗰啲，有冇理過佢哋？」
■記者鍾雅宜