全新旅遊專頁，即like籽想旅行：https://fb.com/travel.appleseed
《正義聯盟》已經上咗畫！肥通未有時間睇，大家千祈唔好戲透住。不過睇電影預告片有一幕好深刻，個個成員都有一技所長，但蝙蝠俠被人問到有乜超能力時，佢好幽默地答咗句：「我超有錢！」如果你同布斯韋恩都有同一技能，可以考慮剛推出的1:10超大比例蝙蝠車，佢集合擺設與遙控模型於一身，而且還有超多機關，真係同真蝙蝠車都有得揮。
呢部由Mattel推出的Justice League Ultimate Batmobile（$2,998），其實早於2017年頭的New York Toy Fair上首度亮相，第一亮點當然是它的1:10大比例！雖然歷代蝙蝠車都有被商品化，不過最多都係玩吓造型擺設，叻一點的都是着吓燈，今次呢部Ultimate Batmobile除了精細之餘，最令蝙蝠迷開心之處，它還是一部大馬力的遙控車，基本一下載App，以Wi-Fi連接上手機或平板電腦（對應iOS及Android系統），就就可以馬上開車遊玩。
一着車，馬上會聽到澎湃的引擎聲效，再連接上智能裝置後，更會發現此車有非常多樣性的操控玩法；例如透過智能裝置的專用App，你可以命令頭燈開着、火神炮轉動、車尾排氣管還可使用「煙油」模擬排煙效果……較特別是車頭所有炮塔，還會依據頭輪轉向，作出相應方向的連動；而為了貼近原著神緒，後輪還可升高，令蝙蝠車進入Rally Mode。跟車還有一隻6吋蝙蝠俠Figure，當他坐入車箱，你會發現儀錶板是有着燈功能的，而且在筒椅背後，還收藏了一組720p視像鏡頭，可將車內實時畫面，傳送至你連接的智能裝置之上，如果你在這時再啟動火神炮，鏡頭中還會有AI模擬的火舌與震動效果，估計可令蝙蝠俠玩得更投入。
再來的測試，當然是落場試車！新蝙蝠車最高時速約9km/h，以現今的遙控車技術來說，的確不算太高，JC Shop負責人Alan表示：「的確不算太快，還有點悠閒的感覺，但須知車身可是15×28吋的超巨大，如果車速太快，反而好易誤傷途人，這點可能帶着安全性的考慮。」雖然速度不算快，不過車身扭力還算不俗，輕易就做到跳高台動作，至於轉向性方面，由於車身巨大，與一般遙控車的感覺與也略有不同：「因為車身與車胎較闊大，一般轉向情況下，大家可能要預留4至6呎的空間。」試玩時還發現了一個優點，一般同類產品，多以藍牙作連接（約10米），但這部蝙蝠車則使用了Wi-Fi，最遠操控範圍達20米，測試時走勻整個籃球場，由場頭去場尾都不是問題。
最後肥通來一個整體評分，這部Ultimate Batmobile 的定位，大概是在擺設與作遊玩的遙控車之間，如果以十分作滿分，整體評分我有七至八分；扣分原因，首先是近三千元的車價有點昂貴，第二是車身巨大，放在家中大概也會被人罵吧！
查詢：JC Shop
觀塘道418號創紀之城第五期APM 1樓L123號舖
記者：朱崇德
攝影：張志孟