37歲的英格蘭前球星奧雲，佢踢波大家就見得多，但奧雲騎馬比賽，大家又見過未？
奧雲呢次真係做咗騎師，剛周五(24日)佢參加英國雅士谷馬場一項草地1400米平地慈善賽，乃奧雲處男騎師之作，策騎一匹以往贏過四場之四歲灰馬Calder Prince應戰，結果仲跑第二。
唔知係咪遷就奧雲，今場慈善賽冇用閘廂，群駒就咁企定定，到時到候就各自起步，沿途Calder Prince走在前列，直路仍保持走勢，但就追不到頭馬Golden Wedding，奧雲輸兩個幾馬位得亞軍。
其實Calder Prince可以話馬有人冇，直路個個騎師大力催策，但賽後奧雲坦言自己當時已莫氣，筋疲力盡，所以直路只能坐定定，按韁讓Calder Prince過終點，不過對自己表現已滿意，而且還帶給他昔日打世界盃對巴西的感覺。
奧雲賽後獲查理斯王子頒贈紀念品，他說Calder Prince這匹馬非常好，非常愛此駒，奧雲透露為了造磅上陣，過去三周節食輕了20磅，減至165磅左右，不吃東西很辛苦，所以現時要在回家路上停在每一個服務站，再次吃東西。奧雲笑言也許會再做一次騎師，之後就不再騎了，因為他有四個孩子，不想傷害自己再辛苦減