今期(26日)沙田賽事雖無分級賽舉行，但全日卻有甚多明星馬上陣，戲碼精彩。其中第六場一班1600米其士盃，姚本輝馬房、已故劉皇發的名下馬「龍船鼓響」今季兩戰兩捷，表現出色，今仗初上一班，再配史卓豐，硬撼幾匹勁旅如「五十五十」、「喜旺寶」等，未知劉皇發公子劉業強點睇呢？
「發仔」劉業強說：「『龍船』和『龍船鼓響』都是我悉心為先父(劉皇發)購入，其中『龍船鼓響』來港初期未能適應水土，腳部曾有痛楚問題，影響了表現，上季起馬兒重上軌道，有賴輝哥(姚本輝)悉心訓練。今場 『龍船鼓響』排一檔及負輕磅，以我了解馬兒的體重增加壯碩了，目前狀態非常好。今季牠兩戰均取勝，隨住評分增加，對手一定越來越強，冇得迴避強手，我當然希望『龍船鼓響』可以通過這個大考驗。」
「對手方面，『時時精綵』應是打吡材料，我很鍾意這匹告東尼的馬，但今次跑1600米應短了些；至於『喜旺寶』真係唔錯，狀態都很好，1600米經常跑到1分33秒的幾好時間。還有『五十五十』既年輕潛質亦佳，我認為以上三駒都是『龍船鼓響』的主要對手。當然我希望『龍船鼓響』可遇強越強。」劉業強續說。