香港人好少會慶祝美國嘅感恩節，不過立法會資訊科技界議員莫乃光、朱耀明牧師同埋工黨李卓人偏偏前日走去慶祝感恩節，究竟所為何事呢？莫乃光解釋，原來慶祝感恩節係10幾年前留落嚟傳統，已故支聯會主席華叔司徒華在世時，每年感恩節都會同當年喺美國參加過八九年聲援民運嘅香港留學生，搵個地方聚餐，呢個傳統直到華叔逝世後，仍然冇停過，仲要張菜單年年一樣，因為係華叔定嘅菜式，所以冇人改。
近年先加入嘅李卓人就話，其實張菜單好肥膩，又東坡肉、又八寶鴨，仲有華叔最愛嘅鴛鴦鴨膶腸臘腸卷，佢又話朱牧嘅身體好好，大家有講有笑。