有「肥哨」、「哨牙度」之稱嘅巴西名宿朗拿度，日前喺家鄉聖堡羅，帶埋兩名愛女蘇菲亞同愛麗絲，一同出席電影首映禮。只見三父女合影嘅時候，女兒均同時露出雪白色的哨牙，同爸爸非常似樣，想話佢哋唔係朗拿度個囡都唔得嘞！
據了解，想當年以出色的球技和「招牌哨牙」讓人印象深刻嘅朗拿度，成名後已經去咗做箍牙手術，棚牙早已經無咁哨；估唔到依家佢棚哨牙，又遺傳咗落兩個囡到喎！查實朗拿度非常之咁錫兩名愛囡，經常帶佢哋出席公開活動，去年朗拿度獲教宗方濟各覲見，亦帶埋囡囡飛咗去梵蒂岡，點知因為囡囡著錯咗女王皇后先著得嘅白色衫，畀教堂守衛拒之門外呢！