政府DQ民主派議員而引發嘅補選明年3月舉行，建制派磨拳擦掌之際，民主派仍然就補選人選糾纏。
或戰袁海文
盛傳有意參選嘅前民主黨成員、南區區議員區諾軒前日就喺網台節目承認有意參與補選；不過佢噚日又同八方澄清，話佢未有最終決定係咪參選，解釋節目上其實係因為未及反應，先以「係係係」回應。
據了解，區諾軒就出選一事都心大心細，事源除咗青年新政、有部份左翼民主派人士都力說佢出選，認為佢知名度高兼可以團結兩邊。
不過，今次區諾軒真係左右做人難，事關如果出選九西就要同民主黨舊戰友袁海文對壘，噚日話即使退出民主黨亦唔希望交惡，又話自己係「愛惜民主黨」。
至於係唔係參選，佢就話未有決定，希望喺民主動力提出嘅限期，即12月4日前畀個答案大家喎。