明智的人總能把握機遇，變成美好的未來。現年24歲的陳漢娜（Hanna）由模特兒出身，在因緣際會下，正式轉型為演員踏入影壇。
Hanna在電影《殺破狼．貪狼》飾演古天樂女兒，首次拍戲便擔任主要角色，她表示最困難的地方並不是記台詞，而是要克服害怕的心情，「第一次拍戲乜都唔知道，雖然有跟詹瑞文同廖啟智等前輩上過堂，但到拍攝現場時心裏不斷想會唔會做錯乜嘢事？」問Hanna最想挑戰的角色，答案竟然是殺人犯，「我想嘗試做殺人犯，做一啲同自己好相反、現實做唔到嘅事。」提到最近有些新進演員都是由模特兒轉型而成，少不免會有比較，Hanna卻一笑置之，「我覺得每個演員都有自己獨特之處，而且大家可以做嘅事亦非常唔同，所以唔會驚或介意比較。」
鍾意星座
大學主修廣告設計的Hanna，卻原來充滿電影夢，「我好鍾意電影，本來畢業後係想做幕後工作，例如創作總監或者同電影有相關嘅工作。」而擁有自己一套風格的她今次穿上Dior的塔羅牌系列，笑言「我唔會好迷信，但我係個好鍾意星座嘅人，因為我相信每個季節或每個月份嘅人都有一種特質。」
更多精采時尚內容，盡在 http://add.appledaily.com。