昔日做局長高高在上,今日都要為選票四出爭取支持,講緊嘅唔係前保安局局長葉劉淑儀,而係政制及內地事務局前局長譚志源。競逐港區人大代表嘅譚志源同八方講佢噚日相當開心,除咗因為有選委願意提名佢之外,仲因為佢獲得前港區人大代表吳康民送佢兩本書。選舉時打孖送上兩本書,如果迷信,就真係唔多老利。
不過譚志源話,呢兩本書係吳康民撰寫嘅《人大回憶錄》同《會內會外:十屆人大隨筆》屬同人大有關嘅工具書,「我真的非常感激!我一定會努力加油!」今年人大選舉競爭異常激烈,一批富二代、一批法律專家、一批老鬼搶36個位,但最終中央都可掌控大局,只要譚志源有中央力撐,輸都可以變番贏。