神劇《太陽的後裔》嘅宋仲基、宋慧喬上月31日喺首爾舉行世紀婚禮，之後出發去西班牙度蜜月，日前雙宋結束蜜月之旅返回韓國，而前日係喬妹36歲生日，作為婚後第一個生日，雙宋當然有好好慶祝啦。
前日就有韓國網民於酒店見到雙宋拍拖，表示：「下午五點鐘左右，因為去酒店參加公司活動，於大堂見到有對情侶正手牽手，仲諗係唔係公司內嘅情侶呢？當羨慕緊嘅時候，突然個男人拎轉頭，哇！竟然係宋仲基啊，而宋仲基旁邊嗰位圍上頸巾嘅女仔，見到佢嘅眼之後發現，就係宋慧喬啊！」又大讚雙宋好靚，二人非常甜蜜，不愧係新婚夫婦。
另外，宋仲基早前以個人名義向韓國小童白血病團體捐出約7.3萬港元，幫助一名患有視網膜母細胞瘤嘅病童。