中共中央文獻研究室主任冷溶噚日嚟香港，宣講習近平十九大工作報告，成240幾個高官齊集聽訓示兩個鐘，呢班官個個月薪二、三十萬，咁樣坐兩個鐘，人工成本都要40、50萬公帑。 不過冷溶都唔係兩手空空嚟香港，每名出席人士都收到佢嘅「大禮」，包括《法治中國》、《輝煌中國》和《大國外交》3隻DVD，仲有《基本法》、《決勝全面建成小康社會，奪取新時代中國特色社會主義偉大勝利，國家主席習近平在中國共產黨第19次全國代表大會上的報告》同埋《王志民在2017博鰲亞洲青年論壇上的主題演辭》3本書，單係睇個書名咁長都嚇得吓人喇！