葵青區屋邨爆出食水有異味後，民記立法會議員陳恒鑌（Ben）除咗鬧水務署至今未清楚交代事件，仲立即去信立法會主席，希望喺噚日立法會大會入面，就食水異味事件提出急切口頭質詢，點知佢嘅要求畀立法會主席梁君彥ban咗。
梁君彥點解唔准佢提出？陳恒鑌話梁君彥覺得冇急切理由，畀佢臨時臨急提口頭質詢，咁點先為之有急切理由？陳恒鑌引述主席話，所謂急切質詢內容，就係要同公眾利益有重大關係。
不過陳恒鑌聽到主席梁君彥咁解釋，佢對此不無慨嘆咁話：「飲水係人都要飲，我認為係重大關係囉。」又話如果連飲水都唔夠急切，佢都有啲失望。
但由於主席裁決冇得辯論，所以被ban嘅陳恒鑌話，惟有喺其他場合繼續跟異味水事件喎。