母子戀唔係問題韓女星拖細16年男友影相談婚嫁

母子戀唔係問題
韓女星拖細16年男友影相談婚嫁

將於下月踏入45歲嘅韓國美魔女歌手Mina,前年被爆跟美聲團體SoReal嘅28歲成員Phillip撻着,兩人公開母子戀後,即時引起網民關注。雖然外界唔多睇好兩人,不過兩人依然恩愛,早前更情侶檔影雜誌相。

Mina同Phillip拍攝時換上多套服裝,Mina身穿白色恤衫時更大騷香肩,疑似玩下衣失蹤坐喺男友身上,Phillip就攬住女友並輕輕挨喺對方心口,場面香艷。而兩人外出拍攝時又十指緊口拖到實,Phillip更望實女友,認真甜蜜。

隨後受訪時,Phillip表示:「Mina符合晒我理想型嘅條件,所以由一開始就視佢為女性,冇諗過年齡嘅問題。」而Mina就大讚Phillip嘅性格、舉動同外表唔同,好有男人味。兩人又指雖然唔係日日見,但都Keep到感情:「雖然都有試過嗌交,但好快就冇事。」提到未來計劃,兩人坦言有結婚嘅念頭:「會先注關自己嘅事,等事業方面發展穩定,希望都得到大眾嘅支持,然而堂堂正正咁行禮。」