最近大台CCTVB出「限奶令」，要一眾女藝人封胸，莫講話市民，有啲藝人都摸不着頭腦，究竟大台搞邊科呀？但原來限奶令不限於大台，最近有區議員都好關注呢個問題。
話說荃灣區議會下周二（28日）舉行大會，區議員鄒秉恬要求喺當日討論佢嘅限奶令。是咁的，佢畀區會主席封信話，今年荃灣區搞沙灘清潔活動時，發生咗啲令市民同參加者尷尬嘅事，令市民覺得主辦單位派紀念品嗰陣唔公平兼有歧視女性問題。
於是鄒秉恬就喺區會動議，強烈要求康文署配合荃灣區會嘅活動需要，將來搞沙灘清潔嘅時候，暫時禁止着性感泳衣嘅男女進入沙灘，而活動舉行前15分鐘更加要呼籲、協助啲着比堅尼或G弦泳裝嘅市民離一離場。大家又點睇呢？