34歲的蔡卓妍（阿Sa）入行17年依然工作不斷，上月有新戲《常在你左右 》上映，早前又在內地舉行巡迴演唱會，自出道便歌影兩棲發展的她，事業一帆風順，更以過億身家被封圈中小富婆，愛情又得意，難怪她受訪時說，「𠵱家呢個moment簡直係正啦，最正係有得選擇囉！」
撰文：陳蔚渝
攝影：郭賢興
蔡卓妍拍過不少電影，但都以喜劇、愛情片居多，但自從《雛妓》的突破性演出後，戲路亦開始有所轉變，之前便拍攝自己都怕的鬼片《常在你左右》。而下月中阿Sa會開始拍攝網劇，雖然工作依然排得密麻麻，但相對初出道腳步明顯放慢了不少。
計劃冇用
阿Sa說：「對比啱啱出道，𠵱家反而有番一啲自己生活，以前太誇張喇，入行17年做過好多嘢，𠵱家希望keep住有唔同嘅嘗試之餘，亦都希望生活上有其他嘢，所以𠵱家會自己安排好啲時間，呢段時間好專注做一樣嘢，跟住我又會放一個假，去吓旅行，或者同朋友玩吓。」
早前承認戀情與百億麻雀館太子爺石恆聰拍拖，問到現在是否事業、愛情兩得意，阿Sa開心表示「簡直係正啦！」，對於戀情，她說不會計劃太多，「細個好鍾意plan定之後應該點，做完一樣嘢之後又會點，但太多時候計劃係趕唔上變化，𠵱家反而放鬆啲，總之啲嘢要嚟就會嚟，唔使諗太多，個人輕鬆咗，又會多咗好多唔同驚喜。」說到驚喜，阿Sa則說自己不是會製造浪漫驚喜的人，「我係當下想點就點，好想咁樣做、就咁樣做嘅人，唔會特登做一啲嘢。」
鍾意簡單
出名是圈中小富婆的阿Sa，揚言全靠媽咪投資有道，雖然與男友發展穩定，但就覺得生活不需要靠男人，「阿媽細細個就教落女仔一定要有自己獨立嘅財政，興趣，自己嘅空間，𠵱家叫做可以manage自己生活，又可以照顧屋企人，之後點唔會諗住，總之𠵱家開心。」
不少藝人都會搞小生意，但阿Sa怕麻煩，兼怕講錢傷感情，「成日都好多人撩一齊做生意，絕大部份都係朋友，睇得太多朋友同朋友做生意，跟住嗌交，同埋要睇吓乜嘢生意，有諗過出品牌，但太多複雜嘢，𠵱家個人唔係太想處理複雜嘢，越簡單越好。」
冬褸最推介
在社交平台蔡卓妍經常有「#正菜妍誠意推介 」，秋冬又何心水推介？「秋冬我會買好多褸，雖然我唔鍾意冬天，但冬天啲衫係靚啲，披件褸已經好有型，短褸、長褸、軍褸，鍾意冬天可以有好多唔好層次。」
更多精采時尚內容，盡在 http://add.appledaily.com。