【人大爭位】
新一屆港區人大代表爭位賽，未報名先開跑嘞！今年參選人大嘅「新星」，即係獲中聯辦推薦嘅人，唔少都有法律界背景，當中仲有前官員，包括政制及內地事務局前局長譚志源！
現為新風天域醫療副主席嘅Raymond，近期已經喺大大小小建制派活動亮相，點解咁馬不停蹄？咁選舉呢個遊戲，有時真係人到票先到㗎！而佢嘅參選口號好鬼四平八穩，就係「溝通橋樑．貢獻所長 實現中國夢」，凸顯佢泛民建制同樣傾得埋嘅角色。
而喺呢個雷鼎鳴教授都講到嘅手機萬能時代，Raymond亦都向友好廣發宣傳，叫大家用手機微信掃一掃QR code，同佢做friend保持聯繫！