【飲食籽：識飲惜食】
中上環，放飯時間人山人海，亦是各家餐廳的必爭之地。有一間經營數年、主打兩餸飯的後巷小舖「上環食堂」，今年九月搬上千呎舖位，日賣千碟飯，每月營業額約七十萬元，成功突圍而出。新店多了一個老闆，是今年只有二十三歲的劉清奎（阿清），他個子高大，架着粗框眼鏡，樣子比實際年齡成熟，既是老闆亦是廚，獲老闆陳澤明（明哥）分了餐廳的三十巴仙股權。
「初初請後生仔，個個都怕辛苦，這裏之前請了兩個，都做不夠兩日，就說頂唔順。廚房太熱，入到廚房，件衫又乾又濕又乾。給高些人工也無用，就算給多一、兩千都有機會走。如果我把股份給他，大家就可以合力搞好食堂。現在兩個拍檔做廚，死就死，一人頂十二小時。」明哥說。
明哥昔日在包伙食公司做，一直煮開大鑊飯，後來自立門戶在上環永樂街開「上環食堂」賣兩餸飯。但因業主大幅加租，忍痛結業，休息半年後，得從事科技的熟客鍾名川（川哥）入股投資，三年前在上環畢街舊店重開。今年九月再搬到皇后大道中的千呎舖，廚房只有兩個廚，便是阿清和明哥。餐廳現在日賣過千個飯盒，雖是大鑊飯，但每次炒的份量亦不多，密密出品，忙到無停手。「阿清好快上手，肯做又企理，小事如收工關冷氣掣、煤氣掣、電燈掣，都可以幫你做好。好多人做不到，包括我老婆在內，會時常遺漏，他是我見過最上進的年輕人。」
由送外賣做起 目標買層樓
只有中三畢業的阿清，十六歲從潮州來港定居，在「上環食堂」由送外賣開始，兩年後到酒樓學師，去年八月再回舖幫手。「我自己不喜歡讀書，讀完都是浪費錢，不如出來學門手藝吧！預咗出來捱，如果不捱，那有今時今日！」他續說：「我細個已經想入行做飲食業，目標是捱幾年後開間餐廳。這行很少有後生仔願意入行，大多是新移民，過時過節陪唔到家人，返早又收夜，好夜先返屋企，等於一整日給了公司。」
上環食堂
上環皇后大道中222-226號啟煌商業大廈地下
記者：何嘉茵
攝影：伍慶泉
編輯：翟純恩