佘詩曼日前喺Ig晒三點式泳照，仲留言話見到個海，似足佢想要嘅美麗、神秘、野性同自由咁。度假嘅阿佘一向好錫身，好少見佢晒泳照。睇番佢同黃子華合作嘅新片《棟篤特工》，出咗張長腿女郎露半臀海報，但條腿唔係阿佘，唔知佢係咪詐型，點解要用替身？佢之後以短訊回覆，笑住反問：「靚唔靚呀？」佢仲話張相係周家怡影。