每逢假日都有唔少單車友出動，迎風踩車當然夠晒爽，但一唔小心都會翻車受傷，而醫療輔助隊轄下嘅急救單車隊特別會喺假日於單車徑巡邏，以便迅速為傷者急救。急救單車隊成立咗15年，喺新界東同新界北有6個急救站，包括沙田划艇中心、大學站等。隊員逢周六下午、周日同公眾假期義務輪流當值，兩人一組沿急救站附近的單車徑巡邏。
除咗治療一般創傷嘅用品如消毒藥水、繃帶同三角巾，亦有松節油協助抽筋者放鬆肌肉，又配備小巧半自動體外心臟去顫器，成個急救袋重約10公斤，女隊員呂施樂接受政府新聞網訪問時直言，唔覺係負擔，仲話可以鍛煉體能。
單車隊今年首三季處理逾2,100名傷者，僅70多人送院；隊員都希望輕微受傷市民經急救後，毋須召喚救護車，紓緩救護車同急症室服務嘅壓力。